Väärs 2019


Scheen sind ihr alli do,
Ihr dörfet jetzt no schnäll uf s WC goh,
Gönget goh rauche machet was ihr wänn,
Ihr miend eifach wüsse dass mir keini guete Väärsli hänn.

Mir Schnitzelbänggler wärde au nit wirgglig jünger,
Plötzligg könne mir nüm rächt laufe und das isch dümmer,
Es git e mögliggkeit dass mir nit schregglig dien ände,
Die Alte mien ihri Rollatore spände.

Mir hänn e Hundli kauft und taufes Rainer,
Mir dängge jesses die wärde immer glainer,
Jetzt muesch die keibe wenns windet dasch eso,
In d Täsche näh sunst fliege die dervo.

Eimol Prattele eimol Muttenz und no kei frust,
Zweimol Kaiseraugst und zweimol Lieschtel sytem August,
Wenn er so wyter macht jä gobbelooni,
Ghört bald alles im "Brüederli Tooni".

Mir hänn dr ... gfrogt was er so dänggt,
Und synere Frau zem geburtstag schänggt,
Er lacht und seit mym Ehewääse,
Schängg ych e neue Häxebääse.

Fräulein hänn Sie unser Hündli gseh,
Fräulein de Keib isch niene meh,
Mir riefe nomol Rainer wo bisch,
Hänn ganz vergässe dass de Dubel im Täschli isch.

Do letschti ha ych dr Rainer gsuecht - nach 3 daag wieder gfunde,
Zwische myne Fudibagge bym pfunde,
So öpis passiert s isch ganz vermässe,
By ohni z luege uf s sofa gsässe.

Er will alles und kauft no meh,
Als näggst dr Mc Donalds de wirsch es seh,
Am DriveIn dasch den so,
Bikunnsch "Fondüü Schyynuas" à discresion.

Wenns heiss isch voruss isch das eso,
Darfsch dyni Kinder und Tierli nit im Auto loh,
Nur d Schwigermamme isch okay kunnsch du do druss,
Dämm Drache macht hitz jo gar nüt us.

Euchse Rainer isch e ganz Famoose,
Doch sy Problem   er will nit immer loose,
Wenn y rief Rainer bäy fuss und er kunnt ebbe nit,
Byni froh ass es so flexi leine gitt.

Du muesch am Samstig morge nit in d Migros welle,
Wyso due ych euch jetzt do verzälle,
Sy schnurrt scho e halbstund aber s wägeli hettsy noni,
Ych sing do gratt e värs über s Balli Vroni.
Ych schlyych schnäll in lade ass my niemerts seht,
Jo kasch dängge do schnurrt scho s Zäller Elisabeht,
Y stand am kiehlregal wäg me bolle hefi,
Und deert plabberet scho s Pichler Evi.
Jetzt ischs au äntgültig vorbyy mit dr rueh,
S Furler Regine und s Gerber Hanny kömme no derzue,
Denn kunnt no eini sy isch zwar scho e nätti,
Aber schnurrt au z vyyl s Kuppelwyser Käthi.
Ych lueg schnäll uf d Uhr eieiei,
Syt drei Stund wartet myni Helgeträgerin dyhei,
An dr Kasse macht my eini schyssig wägeme Migrossammelkärteli,
E logisch dasch s Pupato Bärteli.
Nachere wytere stund by ych langsam glade,
Ändlig ändlig kumm ych us dem lade,
S Vroni hett s wägeli immer noni  sy kah jo nüt derfür,
Sy schnurrt jo gratt mit dr Maya Dürr.
Vor luter schnure ha ych s ässe in dr migros vergässe,
Drum gehn mir zwei im park goh ässe,
Doch au deert herrscht gar kei stilli,
S hoggt deert nämmli dr Schnelly Willi.
Nachem ässe gitts no e schnaps oder au zwei,
Denn gehn mir todmied au scho hei,
Und im näscht das isch zimmlig schyyter,
Schnurre mir bym schlofe au no wyter.

Dangge ass mir hänn derfe koh,
Und unsi värs uf euch los loh,
Die nacht gib ych no eine duure,
Tschau zämme y gang ins näscht goh schurre.